NGO "Durmish Aslano"

Histori, Identitet, Bashkim.

Kultura që jeton në çdo hap të komunitetit tonë.

OJQ “Durmish Aslano”
Ruajtja dhe promovimi i kulturës, gjuhës dhe identitetit rom që nga viti 1969.

Çdo aktivitet ynë është një hap drejt mbrojtjes së trashëgimisë shpirtërore dhe fuqizimit të komunitetit rom.

Një trashëgimi që vazhdon të jetojë

Përmes ruajtjes së gjuhës, traditës dhe artit, ne vazhdojmë të inspirojmë brezat, duke e mbajtur gjallë trashëgiminë shpirtërore rome dhe duke e çuar atë drejt së ardhmes.

Një organizatë me histori të gjatë në promovimin e kulturës, gjuhës dhe identitetit rom në Kosovë. E themeluar në vitin 1969, ajo ka qenë një qendër e artit, traditave dhe shprehjeve autentike rome. Sot, organizata vazhdon të jetë një pikë referimi për mbrojtjen dhe zhvillimin e trashëgimisë kulturore.

Me aktivitetet e saj artistike, edukative dhe shoqërore, organizata fuqizon të rinjtë, promovon barazinë gjinore, përmirëson mirëqenien sociale dhe siguron qasje në informacion në gjuhën rome. Duke ndërthurur traditën me inovacionin, OJQ “Durmish Aslano” mbetet një dritë udhëheqëse për komunitetin rom dhe kontributin e tij në shoqëri.

Stafi
Radio
Teatro
Orkestri
Ansanmbli
Board

Osman Osmani

Kryesues i Bordit

Osman Osmani

Kryesues i Bordit

pershkrimin

Fisnik Minci

Anëtar i Bordit

Fisnik Minci

Anëtar i Bordit

Fisnik Minci është gazetar dhe aktivist nga Prizreni. Si gazetar ka nisur punën në vitin 2005 në të përditshmen “Express”, derisa prej mesit të vitit 2006 deri në fund të vitit 2023 ka punuar në të përditshmen “Koha Ditore” respektivisht në Grupin “KOHA”. Prej qershorit 2024 deri në korrik 2025 ka punuar në portalin “Telegrafi” si gazetar për rajonin e Prizrenit. Kontribuon me artikuj për revistën Kosovo 2.0. Ka raportuar për çështje të ndryshme që ndërlidhen me qeverisjen dhe demokracinë lokale, sikurse edhe për çështjet sociale e ndëretnike, përfshirë këtu edhe temat e ndryshme nga jeta kulturore.

Nga viti 2011 është bashkëpunëtor profesional në OJQ EC Ma Ndryshe, duke u angazhuar në fushat e qeverisjes së mirë dhe demokratike, përfshirjes së komunitetit dhe zhvillimit të qëndrueshëm. Prej vitit 2005 ka bashkëpunuar edhe me festivalin ndërkombëtar të filmit dokumentar dhe të shkurtër “DokuFest” si koordinator në shtojcat “DokuDaily” dhe “DokuStories”.

Në vitet e fundit është angazhuar edhe në programin për edukimin mediatik në Këndin Amerikan në Prizren, si ligjërues.

Ka kryer me sukses Trajnimin për Trajnerë me KCSF-në në Akademinë për Lidership në Komunitet, duke u angazhuar si trajner në disa edicione të kësaj akademie si ligjërues.

Gjithashtu ka kryer Trajnimin për Trajnerë në Deutche Welle Akademie në Bon të Gjermanisë, duke u angazhuar edhe si trajner dhe konsulent në vendet e Ballkanit. Krahas kësaj, për shumë vite ka kontribuar si aktivist i shoqërisë civile për të drejtat e njeriut, për transparencë dhe për pjesëmarrje qytetare.

Krenare Buzhala

Anëtare e Bordit

Krenare Buzhala

Anëtare e Bordit

Krenare Buzhala Anëtare e bordit të organizatës tonë, ajo është Antropologe e Kulturës, me një prapavijë studimesh të Antropologjisë e përvojë edhe me media dhe komunikim. Ajo ka punuar si hulumtuese dhe bashkë autore në dy nga raportet që kanë dalë nga ne për trashëgiminë shpirtërore rome. Përveq punës dhe bashkëpunimit tonë disa vjeçar, ka punuar edhe si Koordinatore për marrëdhënie me publikun në Rrjetin e Grave të Kosovës, e ka qenë pjesë e organizatave të tjera jo-qeveritare në vendin tonë.

Daut Qulangjiu

Fatmir Menekshe

Drejtori Ekzekutiv

Fatmir Menekshe

Drejtori Ekzekutiv

Muhamet Elshani

Financieri / Financieri

Muhamet Elshani

Financieri / Financieri

Benjamin Menekshe

PR Menaxher / Drejtori Artstik

Benjamin Menekshe

PR Menaxher / Drejtori Artstik

Drejtor Artistik & Regjisor

Benjamin Menekshe është drejtor artistik, regjisor dhe një prej figurave më aktive në zhvillimin e artit skenik rom në Kosovë. Si udhëheqës i Teatrit Rom “Nexhip Menekshe”, ai prej vitesh kontribuon në promovimin e kulturës, gjuhës dhe identitetit rom përmes projekteve teatrore, edukative dhe komunitare.

I angazhuar në art që nga mosha e hershme, Benjamin Menekshe ka zhvilluar një stil të veçantë regjisorial, duke ndërthurur traditën rome me qasje moderne teatrore. Nën drejtimin e tij, teatri ka realizuar një sërë shfaqjesh të rëndësishme që trajtojnë historinë, sfidat dhe forcën e komunitetit rom, duke sjellë në skenë histori të fuqishme dhe autentike.

Me vizion, profesionalizëm dhe përkushtim, Benjamin Menekshe vazhdon të udhëheqë dhe frymëzojë brezat e rinj në artin skenik rom.

Dashni Veshall

Shefi i Orkestrit

Dashni Veshall

Shefi i Orkestrit

Dashni Veshall, 66 vjeç, është një prej figurave më të rëndësishme të muzikës rome dhe një nga themeluesit e OJQ Durmish Aslano. Si shef i orkestrit të organizatës dhe violinist me mbi 50 vite përvojë, ai ka kontribuar fuqishëm në ruajtjen dhe zhvillimin e traditës muzikore rome. I njohur për talentin dhe stilin e tij unik, Veshall ka rikompozuar dhe ringjallur shumë këngë të vjetra rome, duke i sjellë ato te brezat e rinj pa humbur autenticitetin e tyre. Për dekada, ai ka mësuar dhjetëra të rinj, duke u transmetuar jo vetëm teknikat e violinës, por edhe dashurinë dhe respektin për kulturën rome. Me punën e tij të palodhur, Dashni Veshall mbetet një nga ruajtësit dhe promovuesit më të rëndësishëm të trashëgimisë muzikore rome në rajon.

Ali Skenderi

Zëvendësshefi i Okestrit

Ali Skenderi

Zëvendësshefi i Okestrit

Ali Skenderi është një nga figurat kryesore të orkestrit të Durmish Aslanos, ku shërben
si zëvendësshef i orkestrit dhe njëkohësisht si një nga instrumentistët më të dalluar të
grupit. Ai njihet për interpretimin e tij mjeshtëror në fizarmonikën me pulla, një
instrument që kërkon teknikë të lartë dhe ndjeshmëri të veçantë muzikore.
Me përvojë shumëvjeçare në muzikën tradicionale rome, Ali Skenderi është bërë një
shtyllë e rëndësishme e ansamblit, duke sjellë ritme, harmoni dhe energji që e

karakterizojnë zhanrin. Loja e tij e saktë dhe shpirti me të cilin interpreton e bëjnë atë
një nga kontribuesit më të vlefshëm në ruajtjen dhe pasurimin e muzikës rome.
Në rolin e zëvendësshefit, ai mbështet drejtimin artistik të orkestrit dhe ndihmon në
përgatitjen e muzikantëve të rinj, duke përçuar traditën dhe profesionalizmin që e kanë
shoqëruar gjatë gjithë karrierës së tij. Ali Skenderi mbetet një emër i respektuar dhe i
dashur në komunitetin muzikor.

Titomir Veshall

Këngëtar

Titomir Veshall

Këngëtar

Titomir Veshall është një nga figurat më karizmatike të orkestrit Durmish Aslanos, i
njohur si këngëtar dhe bubnjar me energji të veçantë në skenë. Me zërin e tij
karakteristik dhe ritmin e fuqishëm të bubnjit, ai sjell gjallëri dhe emocion në çdo
interpretim, duke e bërë muzikën rome edhe më të ndjerë dhe autentike.
I rritur mes traditave muzikore, Titomiri ka zhvilluar një stil unik të këndimit që përthur
traditën me energjinë e tij personale. Në të njëjtën kohë, aftësia e tij për të mbajtur
ritmin me bubnj e bën një element të pazëvendësueshëm në orkestër.
Me kontributin e tij në ruajtjen e këngëve dhe ritmeve tradicionale, Titomir Veshall
mbetet një zë i rëndësishëm i kulturës muzikore rome dhe një interpretues që sjell
gjithmonë shpirt e pasion në skenë.

Gjengiz Veshall

Violinist

Gjengiz Veshall

Violinist

Gjengiz Veshall është një nga violinistët më të shquar të orkestrit Durmish Aslanos, i
njohur për talentin e tij të jashtëzakonshëm dhe për stilin e veçantë të interpretimit. Ai
përfaqëson brezin e muzikantëve që kanë sjellë një energji të re në muzikën rome, duke
ruajtur traditën dhe njëkohësisht duke e pasuruar me elemente moderne.
Me një teknikë të rafinuar dhe një ndjeshmëri të thellë muzikore, Gjengizi ka fituar
respekt dhe admirimin e publikut e të kolegëve. Loja e tij në violinë shquhet për
emocion, saktësi dhe aftësi për të nxjerrë në pah bukurinë e këngëve tradicionale rome.
Kontributi i tij në orkestër është i madh, si në interpretim ashtu edhe në zhvillimin e
identitetit muzikor të grupit. Gjengiz Veshall vazhdon të jetë një nga figurat më të
rëndësishme të brezit të ri të artistëve romë, duke mbajtur gjallë traditën me talentin dhe
pasionin e tij.

Safet Veshall

Pianist

Safet Veshall

Pianist

Safet Veshall është sintist i orkestrit Durmish Aslanos, duke luajtur një instrument të
ngjashëm me pianon elektrike, i cili i jep orkestrit tinguj modernë dhe të pasur. Ai u bë
pjesë e orkestrit që në fëmijëri dhe u rrit mes muzikantëve, duke zhvilluar që herët një
talent të natyrshëm për muzikën.
Me kalimin e viteve, Safeti u shndërrua në një nga figurat më të rëndësishme të stilit të
ri të muzikës rome, duke sjellë risi përmes tingujve të sintit dhe harmonive
bashkëkohore. Ai ka marrë pjesë në shumë inçizime të njohura, të cilat kanë ndikuar
fuqishëm në modernizimin e muzikës rome.
I vlerësuar për kreativitetin, aftësinë teknike dhe muzikalitetin e tij të jashtëzakonshëm,
Safet Veshall mbetet një talent i madh dhe një kontribues kyç në zhvillimin e identitetit
modern muzikor të orkestrit Durmish Aslanos.

Hasib Karaçi

Klarinetist

Hasib Karaçi

Klarinetist

Hasib Karaçi është klarinetist i orkestrit Durmish Aslanos dhe një nga muzikantët më
të përgatitur akademikisht të grupit. Ai ka përfunduar masterin në Akademinë e
Muzikës në Prishtinë, ku ka thelluar njohuritë dhe teknikën e tij në instrumentin e
klarinetës, duke u formuar si një artist me stil të rafinuar dhe profesionalizëm të lartë.
Me aftësinë për të bashkuar traditën rome me njohuritë e tij akademike, Hasibi sjell
elegancë, ndjeshmëri dhe precizion në çdo interpretim. Loja e tij karakterizohet nga
meloditë e pasura, fleksibiliteti në ritëm dhe një sens i veçantë për nuancat muzikore,
duke e bërë atë një element të pazëvendësueshëm të orkestrës.

Hasib Karaçi është një nga figurat që ndihmon në ruajtjen dhe zhvillimin e muzikës
rome, duke përçuar profesionalizmin dhe pasionin e tij tek brezat e rinj të muzikantëve.

Ramadan Vejseli

Koreografi 1

Ramadan Vejseli

Koreografi 1

Ramadan Vejseli, 70 vjeç, është një folklorist dhe koreograf me mbi 50 vite përvojë në folklor dhe më shumë se 30 vite në koreografi. Ai është një nga figurat më të rëndësishme të kulturës rome, duke u fokusuar në ruajtjen dhe mësimin e koreografive të vjetra rome, të cilat interpretohen në mënyrë origjinale dhe autentike.

Përveç rikrijimit të traditës, Ramadan Vejseli krijon edhe koreografi të reja rome, duke i dhënë jetë repertorit të ri dhe duke e pasuruar trashëgiminë kulturore. Ai ka mësuar dhjetëra të rinj, duke u transmetuar jo vetëm teknikat e lëvizjes dhe ritmit, por edhe vlerat kulturore dhe identitetin rom.

Puna e tij e palodhur e ka bërë Ramadan Vejselin një nga ruajtësit më të rëndësishëm të folklorit rom dhe një mentor të respektuar, i cili vazhdon të frymëzojë brezat e rinj me dashurinë dhe pasionin për kulturën e tyre.

Shenoll Vejseli

Koreografi 2

Shenoll Vejseli

Koreografi 2

Shenoll Vejseli është një folklorist dhe koreograf i ri i ansamblit folklorik rom, i njohur për stilin e tij të veçantë dhe inovativ. Ai ruan koreografitë e vjetra rome, duke i interpretuar ato me respekt për traditën, dhe njëkohësisht krijon koreografi të reja, që pasurojnë repertorin dhe japin një frymë moderne folklorit rom.

Me kreativitet dhe përkushtim, Shenolli kontribuon në mbajtjen gjallë të traditës, duke e bërë atë të arritshme dhe tërheqëse për brezat e rinj. Ai është një nga figurat e reja që bashkon trashëgiminë dhe inovacionin, duke i dhënë folklorit rom një dimension të freskët dhe dinamik.

Hazir Dula

Person Teknik

Hazir Dula

Person Teknik

Hazir Dula, nga Prizreni, aktualisht punon si Event Producer në Kino Lumbardhi. Me përvojë në organizimin dhe menaxhimin teknik të eventeve kulturore, ai është i specializuar në koordinimin e pajisjeve audio–vizuale dhe në aspektet teknike të prodhimit.

Haziri njihet për profesionalizmin, efikasitetin dhe aftësitë e tij të forta teknike në realizimin e projekteve, duke qenë një mbështetje thelbësore për çdo ngjarje që kërkon standard të lartë teknik dhe organizativ.

Shuajib Skendo

Folklorist

Shuajib Skendo

Folklorist

Shuajib Skendo është një folklorist i ri dhe ndihmës i koreografit të ri në ansamblin folklorik rom. Ai ka vallëzuar që në fëmijëri dhe gjatë viteve ka shfaqur gjithmonë aftësi udhëheqëse në vallet rome, duke qenë një nga drejtuesit e natyrshëm të koreografive brenda grupit.

Përmes energjisë, pasionit dhe përkushtimit të tij, Shuajibi ndihmon në ruajtjen e traditës dhe interpretimin e koreografive të reja, duke u bërë një kontribues i rëndësishëm në zhvillimin dhe freskimin e folklorit rom. Ai kombinon përvojën e hershme me kreativitetin e ri, duke e bërë ansamblin më dinamik dhe të gjallë.